عبدالستار زيدان يكتب : اتكلم

بقلم : عبدالستار زيدان

اتكلم يا ابني وما تخافشي

عين الجبان ... ما تنامشي

وان نامت ... تصحى مفزوعه

وراحة البال ... ما تطولشي

وتعيش حياتها كده مخدوعه

وجوّه قلوبهم .. يبقى مضلّم !

اتكلم

اتكلم يمكن تلقى أحباب

أصحاب يمكن .. نفس التراب

والصوت يبقى اتنين تلاته

تكبر وتعلى .. وتشق الضباب

وبداية القصة . بالحق كلمة

فتّحت عنيهم ... على السراب

وفاقوا الدراويش .. ونطق المعلم

اتكلم .. اتكلم .. اتكلم

Tweet