عبدالستار زيدان يكتب : عفواً

بقلم : عبدالستار زيدان

فاكر لمّا كُنّا ...

إحنا الإتنين . واحد .
والميدان واللجان ..


قرّبت بين كل واحد

وواحد

ولمّا طاش الرصاص

ما فرّقشي بين

واحد ... وواحد .

فاكر الجرحى والشهدا

والكل كان .. دين واحد

دا الكل كان بيوحد الواحد .

فاكر لمّا كان الأسفلت

أحنّ وأجمل من ...

بيت كل واحد !!

(ومش هنمشي ).. لازم

يغور .... أكبر واحد .

ويغور معاه النظام

وما يتبقى منهم . واحد .

ويبقى السؤال ..

ليه بقينا .. أكتر من

مليون واحد .. وواحد!!!؟

وبقينا مش عارفين

حتى نبقى واحده ..

مش واحد !!!

وعفواً

Tweet