عبدالستار زيدان يكتب : أنا المصرى

كتب : عبدالستار زيدان

مصر اتجوزت النيل . والخلّفه

صبيان وبنات طيبين ... وخفّه .

لونهم أسمّر خمري . و يعجبك

وكلامهم دافي .. ما يكسر دفّه

يا أسمراني يا بو الدراعين . ترابها

يعرفه .. و الناس مش عارفّه

إن صبره طويــل . وباله أطوّل

والطول فخر . ما بيعرف قرفّه

بيرمح بالجري .. قدام خيلهم

حافي محروم . حتى م الكسفّه

وراحوا. . وها يروح غيرهم . ويفضل

طوله مضلل على ولاده بلهفّه

أنا المصري يا ناس .. ودي بلدي

أنا المصري .. بين المعادن تحفّه

ودمي السخن مدفّي . غيطاني ..

وطيبة قلبي تستاهل . مليون سقفّه

أنا المصّري .. أنا المصّري

إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية

أقسام المجلة