عزيزتى/ المرأة الحمقـاء ... أيـوة أنتِ .. ما تستهبليش وتعمليلى فيها بلـهــاء
لـمـا سـيـادتـك يوم حبيتى الشاب "فلان" ... قولتى عليه : ده حبيب عمرى اللى معاه حسيت بأمان .. واللى فى حضنه نسيت أحزانى وتوقف بيـّـا الزمان
قولتى فى حبه كتير أشعار .. قولتى عليه : قمر الزمان ,نجم النجوم , شمس النهار
خوفتى عليه مـ النسمة الطايرة ... فضلتى فى حبه تايهة وحايرة ... مرة تقولى أنا كل حياته .. ومرة تقولى بيعرف غيرى وحاسة كأنى بلف فى دايـرة!!
وأمَّا بسـلامته جه وقالهالك .. بكل صـراحة : قلبى معاكى محسش راحـة ... أنتِ الأفضل منى كتير .. لكن مقدرش أكونلك أمير .. شوفى حياتك المشوار قدامى طول ....
رديتى عليه (وبكل بلاهة) : لسه بحبك .. مقدرش انساك .. ابعد أنت أنا هستناك!
وعملتى بيدج بتقولى فيها "ده مش نصيبى لكن حبيبى" .. وبيدج تانية بتقوليله "هفضل أحبك حتى لو أنت بتحب غيرى"
عاوزه ايه تانى ؟! ... ماهو جبهالك على بلاطة .. وفرط فيكى بكل بساطة
يمكن حتى يكون شاف غيرك .. أُعجب بيها .. ولعب نفس اللعبة عليها
بعد ده كله .. لما اسألك بتحبيه ؟ تقولى .. بهــواه؟! ويــاريـت زى ما هــوه واحشـنى أكــون وحـشـــاه ؟!!!
وعاوزانى ماقولش حـمـقـــاء ؟! ... لأ حـمـقــاء وستيـن حـمـقــــاء .... ولو طولتى هقـول ده غـبـــاء
أصـل زمــان الناس قالوهالنا ... "العمر مش بعزقة يا إخوانا"
ماتضيعيش أيام من عمرك على حد مايستهالشِ ... بيـه من غـيــره الدنيــا هتمـشـى
فــ أنتِ سيادتك عيشى حياتك تانى طبيعى .. واللى يبيعك .. ببلاش بيعى .. واللى شاريكى وباقى عليكى .. تشيليه جوه نن عنيكى
وإن كان جـرحـك ماتعافاش ؟ ... خليكى فاكـرة ... محدش بيتعلم ببلاش!
وأنت يا آدم ياللى لعبت ببنات الناس .. هِــنـت رجـــولـتـك .. وخليت قلب الوَاحـدة مداس
كلمة أخــيـــرة هقــولهـالك وخـــلاص ...
روح إلهى يربطوك 4 ليالى فى وتد واحد مع حمار حصاوى رفاص
1 التعليقات
Complecated Enty Ya Nareman
إرسال تعليق
إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية