سـِنيـن ..

أنا الباحث عن اللا شيء ..
انا الرائد على الأسفلت ..
سنيني بتجري و را ضهري ..
حبيبتي لضيّ عينها اشتقت ..
بحاول القى نفسي في يوم ..
و نفسي فصّ ملح و داب .. و منها انا تـُهت ..

في يوم انتبه للشغل ..
و أحلم بكرة ييجي ازاي ..

و يوم تشغلني خصلة شـَعر .. تعاكس ودن صاحبتها .. تجيبها لجمب ..
و تطلع تاني تضايقها .. على عينيها .. على دا الحال و طول الوقت ..

و يوم أكتب قصيدة شـِعر ..
و يوم اكتب في كشكولي: "بجد زهقت" ..

و يوم انتبه للموت ..
و يوم احب سيرة الموت ..
و يوم لمـّا ييجي الموت ..
يارب أكون ساعتها ارتحت ..