كتب : إيمان محمد البستانى
خايفة من إيه وإحنا جنبك
خايفة عليكم يا ولادى من بطش الأيادي
خايفة لان تعودت ان ولادى يحاربوا الأعادي
مش يحاربوا أخوهم ولا ابنهم ولاابوهم
خايفة ألاقى نفسي لوحدى
من غير عيالي وأصبح أنادى عليكم ولاحد يبالى
خايفة من اللي نفسه يدمرني يقرب من حدودي
وأنتم منشغلين بغيري وقتل فى ولادى
أنا عارفة إنكم عايزنى قوية ومفيش فساد
بس نسيتوا يا ولادى
ولاد الحرام اللي بيحوموا حوليا
خايفة و أول مرة أحس الخوف
خايفة عليكم خايفة عليا
خايفة على الأمة العربية
كنت زمان حاسة بالأمان وأنتم جنبي الوقتي خلاص
بق الغدر جايلى من البرة ومن جوة
زمان كانوا يقولوا العدو بيقرب منى
كنت برد وأتباهى عليهم
وأقولهم ولادى حوليا
مش عارفة من فيكم عيالي ومن فيكم مش منى
دمكم هو دمى سماركم من طيني
بس فيكم اللي خاني ونسى انه منى
لسة بتسالونى من إيه خايفة
خايفة وبقولها ولأول مرة أقولها
خايفة منكم عليا
خايفة تضيعوني ياولادى بئيدكم
وتصحوا تلاقوني مبقتش بين ايديكم
بس اللي مصبرنى ومهدينى
إن ربنا فى القرآن حامينى
0 التعليقات
إرسال تعليق
إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية