أصابع خارجية ..... شعر

بقلم : رغدة سامى

* أصابع خارجية...

* حد فاهم معنى الكلمة دية؟

* أوعى تقولي اللي سحل الناس و موتهم دول من الداخلية

* يا جماعة الشرطة و الأمن دول ناس مية مية

* كلهم ذوق و أخلاق و إنسانية

صحصح و فتح معايا أنت و هي

* و خليني بقى أقولك أصل الحكاية دية

* اللي في التحرير شوية نشطاء على تكتلات شبابية

* عندهم فكر و مبادئ و روح ثورية

* نزلوا يطالبوا بحقوقهم في مظاهرات سلمية

* يعني من الآخر تقدر تقول بلطجية

* فا اتضرب عليهم غاز و رصاص و حاجات كدة مطاطية

* "لم تخرج رصاصة من فوهة بندقية"

* أيوة دة كان تصريح وزير الداخلية

* فا حرام عليكو تظلموا الشرطة العسكرية

* و خلاص عرفنا اللي ورا الليلة دية

* ما هي واضحة زي الشمس مش محتاجة مفهومية

* أكيد أكيد... الكائنات الفضائية

إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية

أقسام المجلة