الاسم مش مهم

بقلم : محمد منصور

الاسم مش مهم
لكن كونك مصرية ده الأهم
النوع فتاة لكن للرجولة أداة
في زمن اشتكيت فيه الرجولة وقالت آه
قالت آه الظلم جه والعدل تاه
والناس اتغيرت وبقت تحلم بالكرسي والجاه
وعشانهم تغير مبادئها وتنسي الأصل والأساس
وتسحلك بلسانها بدل ما تعلمك تاج فوق الرأس
تاج ما يقدروش غير بس اللي عنده إحساس
تاج مايقدروش غير كل أصيل صعيدي كان أو فلاح شايل فاس
وينساه ويلوثه قليل الأصل اللي حلمه يوصل ولو حيدوس عالناس
قالوا عنك رايحة ليه ونازله الميدان
بدل مايخلوكي للكرامة عنوان
ولا هو اللي يطالب بحقه يسموه جبان؟؟؟؟؟
ولا عشان يعجبهم أنسي حقي بقي وأقبل اتهان
عشان مصلحة البية وفلوس الباشا وكرسي البرلمان
ولو عايزين تعرفوا سبب نزولها عشان تشهد عليكم التاريخ والزمان
وعشان تسقط الأقنعة وتبين معادن الإنسان
راجعوا نفسكم قبل ما يفوت الأوان
ولو عاوزين تعرفوا اسم الفتاة والعنوان
اسمها مصر رجولة الزمان وكل زمان

Tweet