إنسان العصر

بقلم : محمد منصور

يا إنسان هذا العصر
أحلامك مالهاش حصر
تضحي عشانها بروحك
وإن شاء الله بعدها تتعصر عصر
نسيوا إنك متعرفش الهزيمة
وإنك لما اتولدت اتولد معاك النصر
وكبرت وحبيت حبيبتك
وكتبت في حبها شعر ونثر
محسوده من كل اللي شافها
وعشان كده كان نفسك تسكنها في قصر
تتعب وتشقي عشانها
م الفجر لحد العصر
وكتير تأسي عليك
وما قدامكش غير الصبر
سالته عن اسم حبيبته
جاوب وقالي حبيبتي مصر