أنا قبل ما أسافر

بقلم : فريدة

أنا قبل ما اسافر هالملم جرحي
وهاخد صوري وكمان اشعاري
وهاجمع ورقي وكتبي واقلامي
وريشتي والواني ووردي وريحاني
وهاخد احلامي وهاسيب الماضي
بعذابه وجرحه وكل آلامي

وأيامي الحلوة هاخدها معايا
وأصحابي في قلبي معايا وجوايا
ونجاح ودراسة وسنين عشناها
ونظارتي السودا هاسبها وهامشي
وهاجيب نظارها لونتها وردي
اما الجيران فدول بقي عشرة سنين
مهما تفرقنا السنين اروح واغيب
بس مابينا ووسطنا عايش حنين
ياشارعنا ف القلب مكانك
شكل البيوت محفورة صورة في شريط حياتي

صوت العيال والمدارس جرس الطابور
جوايا نور ضوء الشموع
في يوم شتا والجو برد
وصوت صدي يملا الدفا
في جو رعد وبرق
صوت عم حامد
والبليلة السخنة جاية
والناس بتجري والعيال
كأن الشمس طالعة