بقلم : أحمد ماهر
الحب عملها تــانى *** شنكلنى وداس عليـّا
بعد اما فـَتحت صَِدرى *** وحذرته يلعب بيّـا
و اتحدِّيته وفـ سِـرُّه *** يظهر راهـن عليـّا
فِضل يلعب بورقـه *** وخيوطـه الشيطانيـّـة
لحد فـ يوم ماقـاللى *** إنّـه سيطر عَليّـــا
آاوحته لكنّـى حاسس *** بحاجات غريبة فيّــا
تفكير كتير وخُـوف *** مافهـِمتش إيه اللى بِيّـا
أتارينى وقعت وقعة *** أتـارينى فـ دنيا تانيـة
حبيت واحدة جميلـة *** وعِينيها كتيـر شقيّــة
أحلى ما فيها طيبتهـا *** والقلب بيـر حِنّيـّـة
بتطير زى الفراشـة *** ماهياش عالأرض ماشية
رقتها كتير و فايضة *** دى أرقّ ما فـِ الدنـيا
لمّـا يا ناس تغيــب *** احسّ الدُنيا فاضيـــة
و امّا بتكـون قريبـة *** باعيش فـ دُنيا تانيــة
و اما بابص فـ عينيها *** ما بعوزش حاجـة تانية
ورضـاهـا عنى أغلى *** عندى م الدنيـا دِيّــة
قلبى وخلاص ف جيبها *** عملاه جايز مادلِيــة
بس أنا قلقان و خايـف *** والهــمّ زاد عليّــا
خـايف تكـون لغيرى *** وتضيع من بين إيديّـا
منـك للـه يا حُــب *** حاتعمل إيه تــانى فيّا
يا رب تموت يا حُــب *** وما شوفَك مرّة تانيـة
1 التعليقات
:D :D يااه للدرجادي :)
جميله اوي بس بعد الشر ع الحب دا هوا الامعيشنا :)
إرسال تعليق
إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية