عبد الستار زيدان‎ يكتب مش عارف .. يا ناس

بقلم : عبد الستار زيدان‎

مش عارف يا ناس
أقول ايه .. للناس !!

يمكن أنا اللي .. غلط
وهُمّه ... يبقوا الأساس
بس . ده أساس غلط
دا العدل في .. الحكم ..
هو الأساس !!!
مش عارف يا ناس !!

قالوا عداله ...
وصدّقنا !!
والتانيين قالوا ..
الثورة ...
بتاعتنا !!!
واحتارت مصر ..
بين الناس !!
وشربنا كلنا ..
من نفس الكاس ..
وعلى أي أساس
ليه كدا يا ناس !!؟
مش عارف يا ناس !!

شوفت معايا ...
الشهيد
لمّا نزل زيارة ....
ف العيد
شاف الضحكه
بطعم الحزن
في وشوش
كل النّاس .
لمّا ايدين الناس
سابت كل الناس
جرحه نزف ..
من تاني
غرّق قبره ..
وضاع صبره
على الألم ..
ومرارة الإحساس
مش عارف يا ناس ..
أقول ايه للناس !؟
عشان الكل يهدى ..
ويفكر !!
يمكن يعبّر ..
عن كل مصري
بيحب كل الناّس ..
ومافيش حد فيها
منداس
مش عارف يا ناس ..
أقول ايه للناس !!!؟