عبدالستار زيدان يكتب : لحد ... إمتى

كتب : عبدالستار زيدان

لغّاية فين . هاتسّكت .
ساكت !!؟
لحدّ إمتى ... ها تبقى
ضعيف !!؟
أشجار الصبر .. جوّاك
شاخت !!

واشتريت . بزُلك ..
رغيف !!
والقوت كله ..
زرعك !!
وولدك ضايع ..
بلا توظيف !!
وفرعون .. فيك لسّه
طايح ..
بإيد عبيد ... وبعده .
نظيف !
عصايه خايفه ...
م الفضايح
حقايقهم تظهر ..
بلا تغليف
يا رافع صوتك .. يا طالب
موتك
قوانين جاهزه ..
تزود التخويف
وسيل غضبنا . لو يوم
ابتدى
ها يكسّر لهم كل
المجاديف
نمحو وجودهم .. من
كل وجودنا
ونطّوي صفحة من
التخاريف
استبداد للأمن ..
كل السلطه
تزوير وتلفيق .. كله
بالمصاريف
والعدل جبار .. امتى
ها يخافوه
وحياتهم سيناريو
من التزييف
اوعى تقول .. كنّا ..
وكان
لازماً ولابد .. من
التنظيف
ايدى ف ايدك ..
بينا جماعه
أو نفضل حثالة ..
المخاويف
ارفض ظلمك ..
ارفع صوتك
ولا تستنّى منهم ..
تخفيف
ياللا افتح صدرك
لرصاصهم .
دا الشهيد .. حسابه
خفيف
ولا تتعلل بعيالك ..
وبكره
ربك قادر ..
ع التصاريف
واغرس فيهم ...
كرامه
علمهم . رفض
التسويف
اترك ليهم ع الصدر
نيشانه
لرصيد الحرية .
يا للا ..نضيّف .

*****************
عبدالستار زيدان
من ديوان ،، أنا المصري ،، 2009

Tweet