عبدالستار زيدان يكتب : في .... الضُهرايه

كتب :عبدالستار زيدان

فين يا أحبابي .. السهّرايه
قُدّام البيت ... في الضلمّه
بالحب .. تدفينا القمرايه
وليالي الصيف .. وأيامها

وحكاية .. بتشبك ضحكايه
فرحانة العيال .. بلمّتها
نكتب في قلوبهم . بداية

اوعى تتوه .. عن أصلك
ولا تخلّع في يوم . ثوبك
وإتمسك بجذورك . لتهُلك
وتضيّع أصول . مكتوبك
لا تمشى في الزحمة . تزاحم
وتكون أوطى من . مركوبك
ها ترفض امتى . وتتضايق
ها تنفذ إمتى .. مرغوبك

ليه بقينا كده .. كتير ألوان
باهتين كده ..من غير عنوان
ومش مهم ... أخويا وحاله
المهم .. أنا دايماً .. كسبان
في الدنيا . ما بيفهم غيري
واللي يعصّاني .. هو الخسران
أنا الدماغ ..... أنا المسيطر
وعقلي طوله . مليون فدان
واللي يخرج عن .. طوعي
على نفسه . ها يبقى زعلان

وتضيع مننا .... كل اللّمه
وتتفرق بينا .. السهرايه
وقدام البيت . ها نركّب لمبة
ونخلّيها دايماً .. ضهّرايه

وكل واحد يلعب .. قدام بيته !!

Tweet