بقلم : محمد صلاح الدين
يا عصفور الكنارية مالك طاير لفوق وعايش وحيد / ما خلاص الثورة قامت وخلعنا الفرعون وبلدنا فى عيد /تيجى نغنى مع بعض حلوة بلادى السمرة من جديد.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عصفور الكنارية شوف أنت من هنا وأنا من هناك /سبحان من جمعنا وبقيت
أهواك /كنت طاير فى الهوا رزقك على اللى خلقك ومن كل شر نجاك /اخترت قفص العبد فيوم يأكلك ويوم ينساك /وأحنا اخترناه تعالى شوف الأيد اللى ضربتنا على قفانا هى اللى معلمة على قفاك/ يا عصفور الكنارية فين صوتى؟ وفين راح صوت غناك؟
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يا عصفور الكنارية مهما طال الزمن ومنين ما تروح مش بنساك/ مش مصدق تعال شوف عالم أحلامى ومين متربع هناك/ يا عصفور الكنارية فى خيالى بيتردد صوت غناك......... تفتكر اقدر انساك؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ما رأى حضراتكم أكمل سلسلة عصفور الكنارية؟ هو فى كتير بس دى عينة رأيك مهم شارك
2 التعليقات
قمه في الروعه بجد والتعبير
جميل جدا التشبيه دا
اكيد كمل جميله جداا ننتظر المزيد
أستاذى الفاضل شاكر جدا لذوق حضرتك وأوعدك بإذن الله فى مزيد
إرسال تعليق
إذا كنُّا قدمنا لك الفائدة من خلال الموضوع المعروض لا تنس وضع تعليقك ورجاءً عدم وضع روابط إعلانية